Rusiya Xarici İşlər Nazirliyi (XİN) Qərb hərbi bölmələrinin Ukrayna ərazisindəki hərbi obyektlərində və digər infrastrukturlarında yerləşdirilməsinin təhlükəsizliyə birbaşa təhdid yaradan xarici müdaxilə hesab ediləcəyi və Rusiya ordusunun qanuni hədəflərinə çevriləcəyi barədə xəbərdarlıq edib.
XİN sözçüsü Mariya Zaxarova vurğulayıb ki, 6 yanvarda Parisdə istəklər koalisiyası tərəfindən imzalanan Ukrayna üçün təhlükəsizlik zəmanətləri bəyannaməsi sülhə nail olmağa deyil, münaqişənin hərbiləşdirilməsini və eskalasiyasını davam etdirməyə yönəlib. Zaxarova bəyannamənin əsas elementinin Ukrayna ərazisində çoxmillətli qüvvələrin yerləşdirilməsi olduğunu bildirib.
Rusiya XİN xəbərdarlıq edir ki, Qərb hərbi obyektlərinin Ukrayna ərazisində yerləşdirilməsi xarici müdaxilə kimi təsnif ediləcək və Rusiyanın və digər Avropa ölkələrinin təhlükəsizliyinə birbaşa təhdid yaradacaq. Bildirilir ki, bütün bu cür obyektlər Rusiya silahlı qüvvələri üçün qanuni döyüş hədəfləri hesab ediləcək.
