Bu İl Maaş və Pensiyalar Nə Qədər Artırılacaq?

Deputat Vüqar Bayramovun açıqlamasına əsasən, 2026-cı ildən etibarən əmək pensiyalarının əvvəlki ildə orta aylıq əmək haqqındakı artım faizinin indeksləşdirilərək artırılması nəzərdə tutulub. Bu il əmək pensiyaları orta hesabla 9,2% indeksləşdirilərək artırılacaq. Artım yaşa görə, əliliyə görə və ailə başçısını itirməyə görə əmək pensiyası alan təxminən 1 milyon 100 mindən artıq vətəndaşın pensiya məbləğinə təsir edəcək.

Ehtiyac meyarının artırılması nəticəsində ünvanlı sosial yardım məbləği də artacaq. Bu artım yeni ünvanlı sosial yardım alacaq vətəndaşlara şamil olunacaq. Maaşlardakı artımlar isə birbaşa sərəncamlarla tənzimlənir. 2025-ci ildə minimum əmək haqqı artırılaraq 400 manata çatdırılıb və bir sıra sektorlarda əmək haqqı artımları olub. Nazirlər Kabineti tərəfindən vəzifə maaşlarının uyğunlaşdırılması ilə bağlı əmək haqqılarının artırılması reallaşdırılıb. 2026-cı ildə də sosial istiqamətdə baş verən dəyişikliklərlə bağlı izahatlar təqdim olunacaq.

Dövlət büdcəsindən sosial istiqamətə 17,1 milyard manat vəsait ayrılması nəzərdə tutulub ki, bu da büdcə xərclərinin 41 faizindən çoxunu təşkil edir. 2026-cı ildə sosial təminat tədbirləri prioritet olaraq qalmaqdadır.